Ад прадзедаў спакон вякоў
нам засталася спадчына...
Янка Купала

Вельмі важна, каб любоў да беларускай мовы, захапленне яе гучаннем, радасць ад дакранання да жамчужын нашай культуры суправаджалі нас з самага ранняга дзяцінства.

21 лютага адзаначаецца свята роднай мовы. Яно было заснавана ЮНЕСКА ў 1999 годзе. Святкаванне Дня роднай мовы стала добрай традыцыяй ва ўстанове дашкольнай адукацыі «Санаторны яслі-сад № 39 г. Магілёва». На працягу ўсяго дня ў садку гучала родная мова. Дзеці чыталі вершы беларускіх аўтараў, слухалі казкі і беларускую народную музыку, спявалі беларускія песні, вадзілі карагоды, гулялі ў народныя і рухомыя гульні.

Выхавацелі ўводзілі беларускую мову ў розныя віды дзейнасці дзяцей з мэтай развіцця ў малых першапачатковых навыкаў разумення беларускай мовы, бо сапраўдная любоў да Радзімы немагчыма без павагі і любові да роднай мовы.

Макарава А.Я., намеснік загадчыка ДУА «Санаторны яслі-сад № 39 г. Магілёва»