Добрай традыцыяй стала правядзення мерапрыемстваў, прысвечаных Мiжнароднаму дню роднай мовы, якi адзначаецца 21 лютага.

Настаўнікі беларускай мовы і літаратуры дзяржаўнай установы адукацыі «Сярэдняя школа № 33 г. Магілёва» прапанавалі розныя мерапрыемствы, каб да беларускай мовы маглі далучыцца ўсе, пачынаючы ад першакласнікаў і настаўнікаў, да бацькоў і проста наведвальнікаў школы ці школьнага сайта.

Напярэдадні свята вучні 3-11 класаў праверылі веданне роднай мовы ў конкурсе «Буслік», а вучні 5-7 класаў — у алімпіадзе.

Вучні, бацькі і наведвальнікі школьнага сайта сталі ўдзельнікамі конкурсу «Беларусь. Звыш за чаканне, звыш за любоў». Пераможцы — вучні 7 «В» класа Кіждубенка Лізавета і Зайцава Марыя атрымалі ўзнагароды.

Вучні 7 «В» класа падрыхтавалі цікавы і пазнавальны матэрыял для стэнда «Гучы, родная мова!».

Удзельнікамі агульнай школьнай дыктоўкі, прысвечанай славутым людзям Беларусі, сталі вучні 6-11 класаў і настаўнікі школы, больш за 50 чалавек. Цяжка было вызначыць пераможцаў, але ўсё ж назавем лепшых:

Магілеўчык Лізавета, Хмялькова Паліна — 6 клас, Кіждубенка Лізавета, Зайцава Марыя — 7 клас, Суворава Мілена — 8 клас, Трапіўская Анастасія — 10 клас, Андрыяшава Святлана, Камарова Вераніка, Баранаў Уладзіслаў, Чамрук Марыя — 11 клас.

Прыемна, што ў Міжнародны дзень роднай мовы да нашай беларускай мовы дакрануўся кожны вучань нашай школы.

Сомава А.А., настаўнік беларускай мовы і
літаратуры дзяржаўнай установы
адукацыі «Сярэдняя школа № 33г. Магілева»