5 снежня 2015 года ў рамках рэспубліканскай акцыі па папулярызацыі беларускай мовы ў сярэдняй школе № 26 г. Магілева была праведзена гасцёўня для бацькоў «Любімыя беларускія песні нашай сям’і». У мерапрыемстве прымалі ўдзел вучні першых класаў і іх бацькі. Дзеці спявалі, танцавалі, чыталі вершы, адгадвалі загадкі, прымалі ўдзел у беларускіх гульнях. Дарослым таксама сумна не было. Конкурс «Угадай мелодыю» захапіў усіх прысутных. Свята прайшло ў добрай сямейнай атмасферы. Яно атрымалася цікавым, вяселым, а галоўнае, пазнавальным. Першакласнікі пераканаліся, якая прыгожая і мілагучная наша мова, пранікліся павагай і цікавасцю да культурных традыцый Беларусі.

Мусiенка А. В.